WEMA WA MUNGU

January 31

Tafakari ya leo tunapomshukuru Mungu kwa kumaliza salama mwezi huu wa kwanza hatuna budi kushukuru kwa wema wa Mungu ambao umetuzunguka. Pamoja na shida zetu au mafanikio yetu bado wema wa Mungu umeendelea kutuzunguka.

Tunakila sababu ya kusema asante Mungu kwa wema wako kwangu na familia yangu na ndugu zangu na marafiki wote wanaonizunguka. Amina

MUNGU AHIMIDIWE DAIMA

January 30

Tafakari ya leo ni jukumu letu kukiri kwa vinywa vyetu kuwa Mungu atabaki kuwa Mungu na uweza wake wote.

Hata kama leo sisi tunajiona au kujisikia tunaweza mambo mengi makubwa ni kwa uwezo wake hivyo Mungu Atabaki kuwa Mungu kwa milele yote Amen.

TUANGALIE DHANA YA KUVUMILIANA

January 29:

Tafakari ya leo hebu tuangalia dhana ya uvumilivu tukisoma Luka 9;52-56, akatuma wajumbe kutangulia mbele ya uso wake; wakaenda wakaingia katika kijiji cha wasamaria, ili kumtengenezea mahali; lakini wenyeji hawakumkaribisha kwa vile alivyoulekeza uso wake kwenda Yerusalemu. Wanafunzi wake Yakobo na Yohana walipoona hayo walisema Bwana wataka tuagize moto ushuke kutoka mbinguni uwaangamize: kama Eliya naye alivyofanya?

Yesu akawageukia akawakanya Akasemahamjui ni roho ya namna gani mliyo nayo; kwa maana mwana wa Adamu hakuja kuziangamiza roho za watu, bali kuziokoa.

Ni ukweli ulio wazi kuwa  kiongozi anatakiwa kuwa, mtulivu, mvumilivu na anayetumia zaidi hekima kuliko mabavu kama Yesu alivyowaambia wnafunzi wake.

kiongozi anatakiwa Kuwa na  msimamo wa uvumilivu ni moja ya kazi ngumu zaidi miongoni mwa viongozi dhidi ya wananchi katika jamii. Ni ukweli ambao haufichiki kuwa  viongozi hawakuzaliwa wakiwa wavumilivu, lakini lazima tujifunze kuwa wavumilivu. Na hii ni kweli hata kwa jamii inatupasa kuvumiliana na kumaliza tofauti zetu kwa busara ya majadiliano.

Katika siasa uvumilivu wa kisiasa unakuza  utamaduni wa utawala bora na ukomavu wa demokrasia; na Kwa demokrasia kufanya kazi vizuri, wananchi lazima kuwa tayari kuvumilia na kuvumiliana.

Dhana ya uvumilivu ni ya msingi sana kwa maendeleo kwani inaruhusu mawazo mapya ndani ya jamii; kupitia dhana hii ya uvumilivu, kiongozi anakuwa  tayari kukubali  na kuheshimu  maoni na mawazo ya watu wengine na haki zao kwa uwazi na uhuru. Katika hali hii,uvumilivu huruhusu kuwepo kwa vyombo huru vya habari kutumika kama chombo muhimu kuwahabarisha wananchi na kuwasilisha madai yao kwa viongozi wao.

Tafakari ya leo unatujenga katika upana wa kuelewa dhan ya demokrasia inahitaji vyombo vya habari ambavyo hugeuka kuwa daraja la mawazo kati ya viongozi na waongozwa. Vyombo huru vya habari husaidia   wananchi kuelewa taratibu ambazo zinaimarisha demokrasia. Bibilia inatumbusha kuwa kuptia Uvumilivu wa viongozi kufuata mambo ya amani na mambo yafaayokwa kuengana; hali hii itasaidia kueneza uwajibikaji kwani wananchi wataweza kukosoa serikali na ujumbe kufikishwa serikalini bila kuogopa kwa kuelewa dhan ya uvumilivu.

Yesu alikuwa mwanaFalsafa  Mkuu wa Uvumilivu  anawa na kuwakumbusha viongozi na wananchi wanatakiwa kuishi kulingana na fikira njema. Mwenye kuifuata falsafa ya uvumilivu hayuko tayari kuamsha fikra mbaya za uvunjajiwa amani bali daima atajitaidi kuziepusha kwa kuendeleza uamuzi  wa uwazi na kwa kutumia njia  ya utulivu wa hekima kupitia uzoefu makini wa kimantiki: Kiongozi mwenye uvumilivu daima hutafakari, na kuziweka fikira mahali pamoja kabla ya kufanya uamauzi.

Ni ukweli ambao haufichiki kuwa sisi kama  wananchi tukiweza kuvumiliana katika maisha yetu ya kawaida, na kuweza kukosoana bila kugombana mara moja  hurudisha imani ya wananchi, upendo na matumaini kati wananchi wao kwa wao au dhidi ya serikali yao; Tukumbukwe kuwa Ingawa watu wengi kufikiria uvumilivu ni upole  na kuto wajibika la hasha uvumilivu ni uwajibikaji ulio jaa busara na subira; Hii ni tafakari yetu ya leo. Amina

ENDA NASI BWANA

January 28

Tafakari ya leo tunatakiwa tumkaribishe Mwenyezi Mungu katika maisha yetu na yale yote tuyafanyao, ili baraka yake ikae nasi zaidi, tunajua kuwa bila nguvu ya mungu na yeye kama hatatembea nasi katika maisha yetu ni vigumu kufanikiwa katika safari ya mwisho. Tuutafakari wimbo huu pamoja Amina.

USIVUNJWE MOYO MTAZAME MUNGU

January 26

Tafakari ya leo tuangalie tatizo la kuvunjwa Moyo katika maisha yetu; Tabia hii hutendwa sana pale ambapo unaonekana kuwa unafanya kitu sahihi lakini unapata matokeo hafifu. Wakati mwingine unajiona kuwa unafanya kazi kwa bidii lakini mafanikio hayaonekani na wale wanaokusaidia wanafurahia kushindwa kwako; upinzani uko hasa kwa wale wanaofanya vizuri.

Na ukiangalia sana hali hii ya kuvunjwa moyo inaumiza sana nafsi na moyo wa muhusika, wakati mwingine unaweza kufikiria hata kuacha kile ambacho umepanga kukifanya hata kama unafanya kwa maendeleo ya jamii yenye huhitaji; hata Yeramia alipatwa na khali kama hii;

Lakini tukumbuke kuwa pamoja na majaribu mbele yetu bado tunatakiwa kuwa watiifu na kutathimini wito wa wajibu wetu kwa Mungu na Jamii; Tunatakiwa tu kujiuliza  je ulifanyalo na unajikuta katia wakati mgumu wa upinzani umeitwa na Mungu ulifanye?

Kama ndio hata kama utavunjwa moyo kiasi gani hutakiwi kuacha kutenda kwani wakati ukifika Mwenyezi Mungu atakuinua tu kama alivyo mwinua Yeramia alipokuwa akipambana na matendo dhalimu ya Pashhur. Fundisho kutoka kwa Yeraamia ni kuwa aliitwa na Mungu kwa kazi yake, pamoja kuwa hata yeremia alimkasirikia Mungu lakini hakuweza kudharau wito na kazi ambayo mungu alimpa kuifanya na aliifanya.

Tunatakiwa kuwa makini na waangalifu na kutambua kuwa Mungu yuko nasi na tuendelee kujiombea na kuombeana; Yeramia  20:11 anavyotukumbusha kuwa Bwana yu Pamoja nami, mfano wa shujaa mwenye kutisha; kwa hiyo hao wanaonionea watatahayarika sana. Kwa sababu hawakutenda kwa akili watona aibu ya milele ambayo haitasauliwa kamwe. Hivyo tafakari ya leo inatulumbush kuwa bwana akiwa upande wako hakuna yeyote wa kukushinda au wakushindana nawe; mungu atawashughulikia iipasavyo wakati ukifika. Hivyo hatutakiwa kuwa na wasiwasi.

Najua kama binadamu wakati kama huu ambapo tunapovunjwa moyo tunajiangalia na kujiuliza maswali mengi kwa nini iwe hivi, mimi ninatatizo gani? Na kwanini naandamwa hivi kulikoni? Tunaishia kupata mfadhaiko ambao unaturudisha nyuma katika jambo njema ambalo ulikuwa unatakiwa kulifanya. Yeramia anatukumbusha kuwa tukiwa katika khali kama hii tunatakiwa tumwangalie zaidi Mungu na kujua kuwa kamwe Mungu hawezi kutuacha katika wakati kama huu yeye anasimama kama jemedari mkuu wakati wote wa majaribu. Jukumu ketu kubwa ni moja tu kumwomba yeye na kumtumaini yeye kwa imani thabiti.

Leo tunapotafakati kukumbuke kitu kimoja katika kila hali tutambuwe kuwa Mungu yu pamoja nasi anatembea sambamba nasi, anatuongoza na kutuepusha na kila hatari ambayo inakuja mbele yetu yeye hutukingia kifua cha ushindi.

Lakini hayo yote yatawezekana kama tutakuwa watu wa kusali, kumshukuru Mungu, kama Yeramiha alivyomsifu Mungu baada ya ushindi; Yer.20.13 mwimbieni Bwana  msifuni Bwana kwa maana ameiponya roho ya mhitaji katika mikono ya watu watendao maovu.

 

Tukumbuke kuwa tunapomsifu Mungu tunadhihirisha kuwa yeye ni kiongozi  na anaweza kufanya chochote anachotaka kufanya, lakini  tukumbuke kuwa mungu hutenda kila kitu kwa haki na upendo mkuu sana.

 

Tunapomsifu mungu tukumbuke kuwa tunatekeleza mambo  Haya makuu;

Kwanza tunamtambua kuwa yeye ni kiongozi wetu na hakuna mtu wa kutuvunja moyo kwani ametuita kufanya jambo njema ndani yetu na kwa jamii inayotuzunguka; hivyo kama yesu alivyo waambia makutano wasipomshangilia hata mawe anaweza akayafanya yamshangilie;

Pili tunatambua kuwa yeye ndiye mwenye mipango yote tukisoma Yer; 29:11 maana nayajua mawazo ninayowawazia  ninyi, asema Bwana, ni mawazo ya amani wala si ya mabaya, kuwapa ninyi tumaini siku zenu za mwisho. Tatizo ambalo linatusumbua tunatamani kuona kuwa tunaweza kufanikiwa bila nguvu ya Mungu. Lakini mungu anatupa nafasi ya kuchagua kkuhusu au kushindana na mwito wa Mungu au kukubali mwito wa Mungu na kamwe hata vunjika moyo.

Tatu tutambue kuwa tunamsifu Mungu sio kwa kufikiria nini anatufanyia  au nini kitatokea mbele ya maisha yetu bali tunatakiwa tumsifu Mungu kwa vile alivyo kwani yeye ni mwanzo na mwisho. Kama zaburi ya 22:3 inavyosema na wewe ni mtakatifu uketiye juu ya Israeli. Tukumbuke kuwa sala zinafungua milango ya matumaini zaidi ya kweli ndani ya maisha yetu. Kwa hiyo nguvu ya Mungu iko karibu yetu tukiwa tunamwabudu. tujifunze kuwa kama watoto wadogo wao wanafuraha daima na hata wanapovunjwa moyo husamehe na kusimama tena imara katika kucheza.

Hii ni tafakari yetu ya leo Mwenyezi Mungu apewe sifa ya utukufu uliotukuka Amina

NINAYO FURAHA YA KWELI LEO

January 25

Leo Tafakari yetu inaangalia mafundisho ya Biblia kuwa Walio na

furaha ya kweli , ni hao walio masikini rohoni , yaani tegemeo lao

haliko katika mambo ya kidunia ila wanamtegemea Mungu kwa kila

kitu. Walio na huzuni au wanateseka kwa sababu yake Mungu, nao

watafarijiwa .

Bibilia inatufundisha kuwa ili kuitwa wana wa Mungu yatupasa

 kuleta amani na upatanisho miongoni mwa watu na kati ya watu

 wa miongoni mwetu.

Biblia inatoa mfano wa kuwa Chumvi huwa nzuri iwapo tu na ladha,

ikipoteza ladha yake, basi haifai kitu ila kutupwa. Rafiki, wewe ni

chumvi na ili kuhifadhi ladha, unastahili kudumisha amani wakati

wote. 

Je daima tunamshukuru Mungu kwa neema ya ya uzima ambayo tumejaliwa kwa wiki hii nzima iliyokwisha?

Je tunamshukuru Mungu kwa neema ya uzuri tunaoringia miongoni mwetu?

Wakati unafanya tafakari ya jumapili ya leo wewe uko kwenye kundi gani, kati ya makundi haya matatu hapo chini?

·   Watu wema wataendelea kudumu katika uaminifu na uokovu wa maisha  yao .

· Watu aliokuwa sio wema ambao wanakubali makosa waliyofanya na  wanapojirekebisha huwa thabiti katika msimamo wao, watu walio  katika kundi hili Mungu atazidi kuwabariki.

·        Watu wa kundi la tatu wanategemea hali ya jamii ilivyo, ikiwa jamii iko katika tamaduni nzuri na wao hufuata namna ya utamaduni wao ulivyo, na ikiwa jamii haiko katika tamaduni nzuri na wao vile vile hufuatanamna ya utamaduni wao ulivyo. Mungu hutukumbusha kuwa daiama tunatakiwa kuwa na msimamo na imani katika maisha na matendo yetu na sio kuishi bila msimamo kama mawimbi ya bahari ambayo yanasukumwa na upepo kwa mwelekeo wowote ule. Hii ndio tafakari yetu ya leo

MASIFU YA YESU

January 24

Tafakari ya leo tuukumbuke huu wimbo unaotoa sifa halisi za Yesu kuwa hakuna yeypte zaidi yake iwe kati ya wanaume au la; ni wimbo mzuri abao unatupa tafakari nzuri ya kutambua ukuu wa Mwokozi wetu; Lakini Yeye anatukaribisha kufanana naye ni jukumu letu kam tuko tayari sio tu kwa maisha ya leo na hata maisha ya milele. Amen

KWELI TUKO KWENYE KINA KIREFU NA HUTUJIJUI

January 23

Tafakari ya leo ni kuhusu ujumbe wa wimbo huu na mahangaiko ya maisha yetu juu ya maisha ambayo tumesahau kuelekeza juhudi zetu kwa mungu na tunaishia kuzama katika maji na tunakosa mwokoaji kwa sababu hatujethamini thamani ya msalaba na damu ya Yesu; hii nitafakari ya leo

AMINA

Ujue kwa maombi yako mimi nitabarikiwa

January 22

Tafakari ya leo inatukumbusha  wazo nzima la kuombeana: tukumbuke kuwa kwa kuwaombea wengine  tunaonyesha upendo mkubwa miongoni mwetu. Tukisoma Yohana 1:34 anasema amri mpya nawapa, Mpendane. Kama vile nilivyowapenda ninyi, ninyi mpendane vivyo hivyo. Tukumbuke kitabu cha Torati inasisitiza kuwa umpende jirani yako.

Tafakari ya leo inatukumbusha kuwa tunatakiwa kutafuta na kufuata mambo ya amani na mambo yafaayo kwa kujengana na sio kutengana. Tunatakiwa kuendelea kufarajiane na kujengana kila mtu na mwenzake na njia pekee ya kujengana ni kwa kuombeana:

Tusihukumiana tukihukuminana hatutakiani Baraka.Kitabu cha waefeso 4:32 kinatukumbusha kuwa, tena iwe wafadhili ninyi kwa ninyi, wenye huruma, mkasameheane kama na Mungu katika Kristo alivyowasamehe ninyi.

Tukumbuke kuwa tunaposali tunasali katika namna tatu  aina ya kwanza ni ile ya  ya kuelekeza juu kwa Mungu sala ambazo tunaelekeza zaidi kwa Mungu wetu kwa kumwabudu, kumsifu, kumshukuru na kuomba msamaha.

Aina ya pili ni sala ya ndani yetu ambazo zinatuhusu sana sisi wenyewe tukikazia zaidi kuomba msamaha, kuomba nguvu na ulinzi wa mungu na mwongozo wa maisha bora kulingana na maelekezo ya Mungu.

Na Aina ya mwisho ni kwa ajili ya wengine zinalenga nje  sala ambazo zinalenga zaidi wengine mahitaji ya wenzetu jirani zetu, ndugu zetu tunapowaombea kuhusu shida zao na mahitaji yao.

Tukisoma bibilia inatukumbusha kuwa kuwaombea wenzetu ni wajibu wetu kama wakristo; kwani kwa kufanya hivyo tunapata faida nyingi na kama kuwaimarisha kiimani, kwani nikijua wewe unaniombea inanipa mimi ushindi na uimara.

Pili tunapoombeana inatujengea  ukaribu undugu wa kiroho na hivyo kila mmoja wetu anabarikiwa. Na hata inaweza kutusaidia kuondoa tofauti zetu tukijua kuwa sisi sote ni ndugu mmoja kwani tunajua maombi ya mwenye haki yanaleta matokeo tukumbuke Jinsi Eliya alivyoomba kuhusu Mvua na mafanikio ambayo yalikuja kulingana na maombi yake.

Kwa hivi sisi tunatakiwa kufurahi pamoja na wafurahio na kulia pamoja na nao waliao; na htutakiwi mumlipa mtu ovu kwa uovu tuangalie yaliyo mema machoni pa watu wote. Tuache kuangalia bali tuushinde ubaya kwa wema. Zaidi ya yote tuwe na juhudi katika kupendana  kwa sababu upendano husitiri wingi wa dhambi. Tafakari ya leo tunatakiwa kutumia karama zetu katika kuhudumiana kama mawakili wema wa Yesu katika kufurahia na kushukuru neema mbalimbali za Mungu. Amina

Msiupende Ulimwengu

January 21

Tafakari ya leo tuangalie ni kitu gani sisi huwa tunakipenda zaidi katika maisha yetu: Je tunaupenda ulimwengu kwa vile tunaufahamu au tunapenda Mbingu kwa vile tumehaidiwa mazuri mengi? Leo tuangalie kitabu cha 1 Yakobo 2; 15 -17; Msiupende ulimwengu wala mambo  yaliyoko ulimwenguni. Kama mtu ye yote  akiupenda ulimwengu, kumpenda Baba hakumo  ndani yake.  

Kwa maana kila kitu kilichomo  ulimwenguni, yaani, tamaa ya mwili, tamaa ya  macho na kiburi cha uzima, havitokani na Baba bali hutokana na ulimwengu.  

Nao ulimwengu  unapita, pamoja na tamaa zake, bali yeye  afanyaye mapenzi ya Mungu adumu milele;

                   Starehe za Walimwengu

Kwa walimwengu mtazamo ni kuwa yafurahie maisha katika hali yeyote ile hata kama maisha yanakufanya ulie kwa ugumu wake lakini wewe uonyeshe ulimwengu kuwa unasababu elfu moja za kifurahia kwa staili yeyote kama picha hii hapa juu inavyoonyesha; starehe kwanza halafu mengine baadae; Mungu tutamkimbilia “ BAADAE” baada ya starehe, bado tuna muda wa kutosha;

Tutafakari  yetu tukiulizwa na Muumba wetu je unapendelea kupita daraja gani kumfikia yeye?

1.   Daraja la uzima ambalo linakwenda moja kwa moja kwake na kwa Muda mfupi kama Waraka wa Yakobo unavyotufundisha;

2.  Daraja la anasa na malimwengu linavyojieleza ambalo huna uhakika wa kumfikia yeye kwa wakati muuafaka kabla milango ya mbinguni haijefungwa;

La msingi huu ni wakati mzuri wa kufanya tafakari kuhusu hatima ya maisha yetu  - Amen-

FARAJA YA KWELI INATOKA WAPI?

January 20

Tafakari ya leo tuliangalie hili wazo la kumshukuru Mungu katika kila jambo: Mtume Paulo kwa 2 Wakorinto 1-7: anatukumbusha kuwa katika kila haja yetu tukumbuke kuwa daima ; Atukuzwe Mungu na Baba wa Bwana wetu Yesu Kristo, Baba mwenye huruma na Mungu mwenye kuleta faraja yote. 

Tukumbuke kuwa Yeye hutufariji sisi katika taabu zetu zote, ili nasi tupate kuwafariji wengine katika kila taabu kwa faraja hiyohiyo tunayopokea kutoka kwa Mungu. 

Japo tunakuwa katika majaribu; Naam, kadiri mateso ya Kristo yanavyozidi ndani yetu, ni kadiri hiyohiyo tunazidi kufarijiwa naye. 

Na kubwa zaidi ni kuwa Ikiwa tunapata taabu, basi ni kwa ajili ya faraja na wokovu wenu. Tukifarijika, ni kwa ajili ya kuwafariji ninyi na kuwaunga mkono mpate nguvu ya kustahimili mateso yaleyale tunayoteseka sisi.

Katika tafakari hii tujue kuwa; Tena, matumaini tuliyo nayo kwa ajili yenu ni imara; tunajua kwamba mkishiriki mateso yetu, mtashiriki pia faraja yetu.

Tutafakari pamoja uzito wa ujumbe huu wa Paulo katika maisha yetu ya kila siku Amen

JE WEWE NI MTEULE WA MUNGU?

January 19.

Tafakari ya leo tujiulize swali hili muhimu je mimi  ni miongoni mwa wateule wa Mungu? Na ili uwe mteule wa Mungu lazima uwe na sifa zipi za msingi?. Je bahati hii ni ya kila mtu au ni ya watu wachache tu? 

Jibu la swali hili ni kuwa kuwa mteule ni zawadi ya kila mtu kwani mungu anatujua na anajua kuwa sisi tumepungukiwa na haki ya ukamilifu wa mungu. Hivyo tukisoma kitabu cha waefeso tunaona kuwa tumepata uteule kwa kuokolewa na neema, kwa njia ya imani ambayo hiyo haikutokana na nafasi zenu,ni kipawa cha Mungu  wala si kwa matendo mtu asijekujisifu.

Tito 3:5-7 alituokoa  si kwa sababu ya matendo ya haki tuliyotenda sisi bali kwa rehema yake kwa kuoshwa kwa kuzaliwa kwa mara ya pili na kufanywa upya na roho Mtakatifu: amabaye alitumwagia kwa wingi, kwa njia Yesu Kristo Mwokozi Wetu: ili tuhesabiwa haki kwa neema yake, tupate kufanywa warithi wa uzima wa milele kama ilivyo tumaini letu.

Ibrahimu alikuwa mteule wa Mungu ambaye alihesabiwa haki kwa matendo yake mema na kufuata sheria ya Mungu; tukumbuke kuwa mungu awezi kuwa na ushirika na Mtu asiye kuwa na haki kamilifu. Lakini mungu ametuonyesha kuwa sisi sote ni wateuliwa wake kwa kumtuma Kristo kufa kwa ajili yetu tulipokuwa tungali wenye dhambi. Hii ni zawadi kubwa ya uteule wetu katika maisha ya Kiroho.

Tukisoma kitabu cha warumi 4:3 maanamaandiko yasema; Ibrahimu alimwamini Mungu, ikahesabiwa kwake kuwa haki. Kikubwa ambacho alikionyesha ni uthabiti wa imani yake Iliyo mpendeza Mungu. Mungu anatutaka sisi tuweke imani yetu yote kwa Mwanae Yesu Kristo. Wokovu unapatikana kupitia yeye ndio tumaini letu katika uteule wetu. Uteule wetu umekuwa rahisi sana kwa neema ya Kuja Yesu ambaye alitolewa kwa ajili ya makosa yetu, na kukufuliwa ili tupate kuhesabiwa haki.

Kuwa mteule wa Mungu ni jambo ambalo kila mmoja wetu analiweza kuifanya na kulifikia. Jambo la msingi ni kuzingatia maelekezo,hatutakiwi kuwa kama Adam na hawa ambao walishindwa kusikiliza na kutimiza maelekezo ambayo Mungu aliwapatia. Shetani kwa mfano wa nyoka aliweza ktumia umahiri

wake na kuwadanganya nao wakadanganyika na hivyo kupoteza sifa ya moja kwa moja ya uteule.

Tafakari ya leo inatufundisha kuwa sisi tunabahati kwani hata pale tunapopoteza sifa ya uteule kwa kusudi au kwa bahati mbaya zinazotokana na hila za shetani tumepewa bahati ya

Toba iliyotokana na kifo cha Yesu msalabani. Sasa kama tumeweza kupata bahati hizi zote kwa nini tusiwe wateule katika karamu ya mwisho?

Yohana 3:17-21 '' Maana MUNGU hakumtuma Mwana ulimwenguni ili auhukumu ulimwengu, bali ulimwengu uokolewe katika yeye. Amwaminiye yeye hahukumiwi; asiyeamini amekwisha kuhukumiwa; kwa sababu hakuliamini jina la Mwana pekee wa MUNGU. Na hii ndiyo hukumu; ya kuwa nuru imekuja ulimwenguni, na watu wakapenda giza kuliko nuru; kwa maana matendo yao yalikuwa maovu.

Maana kila mtu atendaye mabaya huichukia nuru, wala haji kwenye nuru, matendo yake yasije yakakemewa. Bali yeye aitendaye kweli huja kwenye nuru, ili matendo yake yaonekane wazi ya kuwa yametendwa katika MUNGU. ''

“Tazama mtumishi wangu nimtegemezaye; mteule wangu, ambaye nafsi yangu imependezwa naye; nimetia roho yangu juu yake; naye atawatolea mataifa hukumu. Hatalia, wala hatapaza sauti yake, wala kuifanya isikiwe katika njia kuu. Mwanzi uliopondeka hatauvunja, wala utambi utokao moshi hatauzima; atatokeza hukumu kwa kweli. Hatazimia, wala hatakata tamaa, hata atakapoweka hukumu duniani; na visiwa vitaingojea sheria yake.”—Isaya 42:1-4.

Tafakari ya leo inatuhakikishia sisi kuwa “Lakini ninyi ni taifa teule, ukuhani wa kifalme, taifa takatifu la Mungu, mlioitwa ili kutangaza sifa Zake Yeye aliyewaita kutoka gizani mkaingie katika nuru Yake ya ajabu. Mwanzo ninyi mlikuwa si taifa, lakini sasa ninyi ni taifa la Mungu. Mwanzo mlikuwa hamkupata rehema, lakini sansa mmepata rehema. 1pet 2;9. Kwa maana alituokoa kutoka katika ufalme wa giza na kutuingiza katika ufalme wa Mwana Wake mpendwa, kol 1;13.

Katika tafakari hii tushangilie kuwa tu wateule wa Mungu lakini yatupasa kusikia sauti ya Mungu na kutekeleza maagizo ya sauti hiyo;

JE WEWE NI SEHEMU YA AMANI

January 18

Tafakari ya leo tuangalie jinsi bibilia ilivyohubiri amani; swali la msingi ambalo mimi najiuliza nani anatawala dunia yetu leo? Jibu ni rahisi tu amani ya bwana ndio inayotawala dunia yetu hii kwa wale ambao wanaamini; yesu aliwaambia mitume wake amani yangu nawaachia, sio tu amani bali ni amani yake YESU; kama utaweza kupokea amani ya bwana utaweza kuishi maisha mazuri sana yenye utulivu wa kihoro na kimwili; na hiyo amani itakuwwezesha wewe kuishi kwa nguvu ya Kimungu.

Amani  iletwayo na Yesu ni ajabu kwani imejaa neema na matumaini; kwani mwenye Matumaini huongozwa na Mungu ambaye analindwa na hila za adui; nakumbuka nilipokuwa mdogo giza lilipokuwa likiingia na nilipokuwa natumwa kwenda kuchukua kuti chochote nilikuwa naogopa nilikuwa sina amani na daima niliomba ulinzi wa kunisindikizwa. Na nilipoulizwa nilijibu kuwa giza ni nene hivyo nahitaji mssada. Hivyo nilikuwa sina amani wala matumaini; Lakini Tafakari ya leo inatukumbusha kuwa tukiwa na amani ya Bwana hatutaogopa chochote kwani tayari tupo ndani ya ulinzi wa Mungu.

Tukisoma warumi 14.19 paulo basi kama ni hivyo na mfuate mambo ya amani na mambo yafaayo kwa kujengana. Ni jukumu letu kuitafuta amani na kuitetea kwa faida ya wote, lakini inakuwa ni rahisi kama amani yako itakuwa ni za la kristo Yesu;

Zaburi ya 119:165, 167 inasema wana wa amani nyingi waipenda sheria yako, wala hawana la kuwakwaza; ndipo tutakaposifu na kusema nafasi yangu imezishikashuhuda zako name nazipenda mno. Hivyo yatupasa kukumbuka kuwa mungu yu daima juu yetu na uwepo wake ndio chanzo cha amani yetu. Tunatimiza uwepo wa Mungu pale tunapo yaelekeza mawazo yetu mazuri juu yake na amri zake katika utekelezaji wa majukumu yetu ya kila siku. Lakini tuka kuumbwa kwa dunia Mungu ametupa uhuru wa kuchagua kumtegemea yeye katika yetu au kuendelea kuhangaika na matatizo yetu. Tukumbuke kuwa nani ameshikilia suluhu la matatizo yetu?

Hata pale ambapo matatizo ambayo yako mbele yetu hayaeleweki bado tunatakiwa tumtumaini Mungu ambaye yey ndio asili ya amani ya fikra zetu; tukumbuke kitabu cha Methali 3:5 -6 mtumaini bwana kwa moyo wako wote wala usizitegemee akili zako mwenyewe. Katika njia zako zote mkiri yeye naye atayanyosha mapito yako. Ndio katika maisha yetu ya kila siku mambo mengi yako nje ya uwezo wetu na ndio asili ya kuvunjika kwa amani. La msingi tusijaribu kuhangaika kupata suluhu ya mambo pasipo Mungu. Tukumbuke kuwa bila uwepo na nguvu yake mungu tunapoteza nguvu nyingi katika kutafuta amani ya kweli ndani ya maisha yetu. Tumesahau kuwa tunatakiwa tukae kwa furaha tukijua kuwa Mungu tayari anatembea nasi siku zote kama tukizikaribisha sheria zake na kuzitekeleza kwa maelekezo yake.

Mtume Paulo kwa Wafilipi 4:6-7 msijisumbue ka neon lolote; bali katika kila neon kwa kusali na kuomba, pamoja na kushukuru haja zenu na zijulikane na Mungu. Na amani ya Mungu, ipitayo akili zote itawahifadhi mioyo yenu na nia zenu katika Kristo yesu.

Je ni kitu gani tunatamani kumwuliza Mungu sasa hivi? Je unatamani yeye aje ndani ya maisha yako ili uweze kufurahia amani yake: ili ikusaidie wewe uweze kufurahia amani iel ya milele yote?

Nini kinaharibu amani yetu leo? Ni dhana ya kujisikia mkosaji na kama hii ndio kweli umemkosea nani? Amani ya kweli inaletwa na upendo wa kweli miongoni mwetu; Tumefundishwa kuwa tuwapende wenzetu kama tunavyojipenda kwani kipimo kile kile ambacho tunamtendea mmoja wetu ndicho kitakuwa kipimo chetu. Tutafakari Pamoja siku hii ya leo kuwa je wewe ni kwa namna gani unahubiri amani?

ZAWADI GANI TUTUMPA MUNGU WETU?

January 17

Tafakri ya leo hebu tuziangalie , tuzisikilize na kuziimba nyimbo hizi mbili zinafana isipokuwa mazingira ya nyimbo yanatofautiana; Je leo wewe na mimi tutamtolea Mungu zawadi gani? Umefikisha miaka mingapi leo na katika kipindi chote cha maisha yako umemtolea Mungu Zawadi Gani? Jitafakari kwa kina na kisha fanya maamuzi ya kweli kuhusu zawadi gani Unamtolea Mungu wako Leo? Hii Ni tafakari ya leo Mungu atubariki sana na ninawatakieni Nyote Jumapili Njema.

Amina

MAPAMBAZUKO

January 16

Tafakari ya leo tuutafkari huu wimbo; na maisha yetu ya kila siku ya kumwendea Yesu; Je wewe na mimi nafasi yetu ikoje?

Nawatakieni Tafakari Njema; Amina

BWANA NDIYE NGOME YANGU;

January 15

Tafakari ya leo hebu tuangalie ulinzi wa mungu juu ya maisha yetu; Daud katika zaburi ya 23 anasema hivi:

1  Bwana ndiye mchungaji wangu, Sitapungukiwa na kitu.

2  Katika malisho ya majani mabichi hunilaza, Kando ya maji ya utulivu huniongoza.

3  Hunihuisha nafsi yangu; na kuniongoza Katika njia za haki kwa ajili ya jina lake.

4  Naam, nijapopita kati ya bonde la uvuli wa mauti, Sitaogopa mabaya; Kwa maana Wewe upo pamoja nami, Gongo lako na fimbo yako vyanifariji.

5  Waandaa meza mbele yangu, Machoni pa watesi wangu. Umenipaka mafuta kichwani pangu, Na kikombe changu kinafurika.

6  Hakika wema na fadhili zitanifuata Siku zote za maisha yangu; Nami nitakaa nyumbani mwa Bwana milele

Nimeipenda sana zaburi hii ukiisoma na kama unaielewa ni mwongozo pekee wa maisha ya kila siku. Na somo jingine ambalo tunafundishwa katika zaburi hii kuwa Mkristo sio hasa inahusu madhebebu yetu bali ni zaidi inahusu uhusuiano wako na Yesu ukoje;

Tukumbuke Yesu Mwenyewe alijiita yeye ni Mchungaji Mwema tukisoma injili ya Yohana 10:11. Maana yake ni nini? Kuwa yesu kwa kuwa mchungaji Mwema hapungukiwi na kitu chochote unachohitaji katika malisho bora, Majani mazuri yeye hutoa; ulinzi wa mifugo yeye husimamia kwa msingi huu kuwa Mungu yeye ni kila kitu tunachohitaji na hivyo Mungu alimtuma Mwanae aje kutukomboa kutoka katika utumwa wa dhami hivyo kwa msingi huu tukiwa na Yesu hatupungukiwi na kitu.

Ukiwa mfugaji na ukiwa kwenye machungio na wakati wa jioni ukifika na mifugo yako iko tayari kupumzika kuna mambo manne ambayo yatafanya mifugo yako iweze kulala salama:

Kondoo hawatakuwa tayari kulala kama wanahofu ya usalama wao yaani wamenusa hatari ya adui: Kondoo hawatakuwa tayari kulala kama kuna kuto elewana miongoni mwao ( friction); kondoo hawatakuwa tayari kulala kama kuna wadudu kama        (mbung’o) katika eneo ambalo wanatakiwa walale. Na mwisho kondoo hawatakuwa tayari kulala kama hawajeshiba na bado wanataka kuendelea kutafuta chakula.

Tafakari hii inatufundisha kuwa lazima kuwe na uhuru ambao hujitenga na woga wa usalama, ugomvi miongoni mwao, wadudu na njaa kabla kondoo kuweza kulala. Je tunaitafasiri hali hii vipi katika maisha yetu ya kila siku. Jibu la msingi kama  Daudi alivyolezea katika zaburi hii ya 23 kuwa Mungu anaondoa vikwazo katika maisha yetu, kwa dhumuni la kutupa sisi ufadhali wa maisha yetu.

Tukiendelea kutafakari siku ya leo tukumbuke kuwa Baraka ambayo yesu anatueleza sio kuwa tutaishi bila shida au majaribu; katikati ya majaribu ndipo tunapopata furaha ya kweli ya kimungu na tunaendlea kujaliwa Baraka mara dufu. Tunatakiwa kumuamini Mungu, kuwa anajali; anasikiliza; na ananipenda na atanilinda na nguvu zote za shetani; sisi kama kondoo sio viumbe wenye akili kumzidi Mungu, sisi kama viumbe hatuna nguvu ya kujilinda kama sio kwa nguvu ya Mungu; sisi ni viumbe ambao tunamtegemea Mungu; lakini kama walivyo kondoo lazima tuishi kwa Imani ya kumtegemea Muchungaji wetu Bora ambaye ni Yesu Kristo.

Tatizo letu leo hii sisi tulio wengi tunaishi maisha yetu katika uliwengu wa kulalamika na kukata tama; tukumbuke kuwa Mungu ndio nguvu yetu nay eye peke yake ataimarisha nguvu zetu. Hii ni tafakari yetu ya leo ; Amina

TUMEPEWA NGUVU NA UWEZO WOTE KUSHINDA

January 14

Tafakari ya leo inahusu nguvu na uwezo ambao Mwenyezi Mungu ametujalia sisi kama tunavyosoma kutoka kitabu cha mwenjili Luka 10:19 “Tazama, nimewapa Amri ya kukanyaga Nyoka na Nge, na nguvu zote za yule Adui, wala hakuna kitu kitakachowadhuru ” Somo hili linatumbusha kuwa sisi wanadamu tumepewa uwezo wa kumshinda Shetani na Nguvu; kupitia hii Mamlaka tuliyopewa na mungu kupitia Bwana wetu Yesu Kristo, tuna uwezo wa kuzikanyaga na kuzisambaratisha Nguvu za Yule Adui Shetani.

Leo tunapotafakari tukumbuke kuwa ni ukweli usiopingika kwamba tumepewa uwezo wa kuharibu nguvu za aina yoyote za adui. Lakini ni ukweli usiojificha tulio wengi tumekosa imani thabiti ya kutumia nguvu hii kubwa hivyo ni wakristo wachache sana wanaojitambua kwamba wana uwezo huu ndani yao na kuweza kutumia nguvu hizo; Mara nyingi Yesu aliona udhaifu huu hata kwa wafuasi na Mitume wake ndipo tukisoma  Yohana 14:12 alituasa hivi; Amin, amin, nawaambieni, Yeye aniaminiye mimi, kazi nizifanyazo mimi, yeye naye atazifanya; naam, na kubwa kuliko hizo atafanya, kwa kuwa mimi naenda kwa Baba.

Leo tujipime na kujitambua kuwa kila mtu ana nguvu na uwezo wa kuziharibu nguvu za giza. Lakini  lazima tukubali kuwa mwanadamu yeyote asiye jitambua hawezi kufaulu katika jambo lolote. Usipojitambua kwamba waweza kufanya kitu Fulani, basi huwezi kusonga mbele, maana tayari umeshaona huwezi. Mtu yeyote aliyefanikiwa kimwili na kiroho huanza kwanza kujitambua ndani yake.  Na utambuzi anakuja na Imani ambayo inakujengea uwezo mkubwa wa kutekeleza jukumu lolote lile ambalo liko mbele yako;

Tafakari ya leo inatakiwa itukaribishe karibu kabisa na utekelezaji wa jukumu hili ambalo linaanzia kwenye maombi na kumshukuru Mungu. Ni kazi ambayo inakuwa na vikwazo vingi lakini inahitaji Nguvu imara ya Imani ili  mkono wa Mungu uwe juu yako/yangu katika kuifanya kazi hii ilojaa vikwazo kila mahala adui anapoona  anakanyagwa naye hujitutumua kukushinda hivyo shetani  ndivyo alivyo;

Hii ni tafakari kubwa kuwa nguvu ya ushindi i katika kukiri na kuamini kwetu, tumepewa mamlaka ya kumiliki kila tunapokanyaga iwe ofisini, shuleni kwenye biashara zetu sehemu yoyote ile tumepewa mamlaka ya kutawala kila kitu na kila mahali kama Mungu alivyomwabia Adamu. Luka 10.19-20 anasema tazama nimepewa mamlaka ya kukanyaga nyoka na nge, na nguvu zote za yule adui, wala hakuna kitu kitakachonidhuru.

Tukumbuke Jinsi wale wafuasi wa yesu walivyorudi kwa furaha baada ya kupewa mamlaka ya kutenda kazi:  Wafuasi wale sabini walipewa na Yesu amri ya kukanyaga nyoka na nge na wasiwadhuru na kisha pepo wakawatii, hii inawezekana tu kwa mamlaka kutoka kwa mfufuka, Ndipo wale sabini waliporudi kwa furaha, wakisema, Bwana, hata pepo wanatutii kwa jina lako. Akawaambia, ..…Tazama, nimewapa amri ya kukanyaga nyoka na nge, na nguvu zote za yule adui, wala hakuna kitu kitakachowadhuru

Hii ni tafakari yetu ya leo tutumie mamlaka ambayo Yesu ametupatia kwa siafa na utukufu wake na kwa ili nasi turudi na ushuhuda wa furaha kama wafuasi wa Yesu- Amina 

SEMA NENO TU NA MTUMISHI WANGU ATAPONA.

January 13

Tafakari ya neno tunaipata kutoka kitabu cha Mwanjili Matayo 8: 5-10. Yesu alipoingia Kapernaumu, askari mmoja alikuja kumwomba msaada,  akisema, Bwana, mtumishi wangu amelala nyumbani amepooza, tena ana maumivu makali.  Yesu akamwambia, Nitakuja kumponya.  Lakini yule askari akamwambia, Bwana, mimi sistahili wewe uingie nyumbani kwangu; lakini sema neno tu, na mtumi shi wangu atapona.  Yesu aliposikia maneno haya, alishangaa, akawaambia wale waliomfuata, Nawaambia kweli, hata katika Israeli sijaona imani ya namna hii.  

Tafakari ya leo inatuonyesha kuwa tunatakiwa tuwe na imani dhabiti, na kwa kuwa na Imani imara basi kwa neno tu kila kitu tukiombacho hutimia; kama yesu alipomjibu Yule Askari “Nenda nyumbani, na yale uliyoamini yatimie kwako. Na yule mtumishi akapona tangu wakati ule ule”.Hapa mwinjili Matayo anatuonyesha zaidi kuhusu nguvu ya imani:

Binadamu tunaamini zaidi katika nguvu mwili, kuguswa kama unaumwa ndipo upone; tunaona hata wachungaji wengi hutumia njia hii. Lakini Hapa Yesu kupitia kwa askari alionyesha kuwa Imani dhabiti huzaa tunda lililo njema ambalo ni neno.

Kuna maswali mengi ya kujiuliza kulikoni asiingie kwenye Nyumba hiyo na akamguse ili kumponya mtumishi mgonjwa? Inaonekana kuwa askari alikuwa amesikia kuhusu nguvu, uwezo na mamlaka ya Kimungu na uponyaji ambayo anayo Yesu alikuwa navyo. Lakini aliamini kuwa Yesu kwa nguvu ambayo alikuwa nayo haikuwa lazima kwake kwenda kumwekea mkono ili apone bali kwa NENO lake tu lilikuwa linatosha kumponya mtumishi wake mgonjwa. Hii ni imani ya Ajabu na kubwa sana.

Katika tafakari ya leo lazima tukubali kuwa katika maisha yetu ya Kila siku lazima tukuze na kuimarisha imani yetu ili tuweze kufanikiwa katika maombi yetu. Hata kama tunasali vipi, tunaomba vipi lakini bila Imani ya kweli hatuwezi kufanikiwa na tutaendlea kulalamika na kusikitika kuwa Mungu asikilizi kilio na shida zetu;tukumbuke kuwa katika maisha yetu ya Kiroho Imani huza NENO lenye nguvu ya kukamilishi mahitaji yetu.

Tafakri yetu leo inalenga kuwa hata Yesu alikuwa hajeona mtu mwenye imani kubwa namna hii na unyenyekevu mkubwa; kwa sababu walio wengi kwanza walikuwa hawaamini kuwa kweli anaponya kwa nguvu ya kimungu.

Imani ni kila kitu katika maisha yetu, na mwenyezi mungu anapendezwa na mtu mwenye imani imara, tunapomwamini Mungu na kuamini kuwa yeye ni kila kitu katika maisha yetu nasi hubarikiwa; imani ambayo askari huyu alionyesha ilikuwa zawadi kubwa sana mbele ya mungu naye alipokea zawadi kubwa sana. Mungu ni Imani na Mungu Ni Neno.

Imani ya Asakari huyu ilikuwa kama imani ya baba yetu Abraham ambaye aliamini kwa neno na bila kuwa na mashaka alitimiza maagizo ya Mungu. Aliamini katika ahadi za Mungu bila kuzitilia mashaka; na kwa kuamini Abraham alipata zawadi kubwa sana ya kuwa baba wa Imani.

Je wewe na mimi leo imani yetu iko wapi? Tunaamini katika nguvu na uwezo wa Neno la uzima ambalo ndilo mwanga katika maisha yetu ya kila siku na mafanikio yetu hapa duniani na hatimaye mbinguni? Ni wakati mzuri wa kutafakari wazo hili;

Amina